Күні кешегі Кеңес дәуірінің кереғар саясатының салдарынан тарих бетінде қалдырған Ауған соғысының аяқталғанына 15-ші ақпанда 34 жыл толды. "Интернационалдық борышын өтеу керек" деген үкіметтің өкіңішті ұранының арқасында енді ғана 18-ге толған бозбалалар ауған жерінің топырағын басты. 1979-1989 жылдардағы кеңестік алып империяның ең соңғы соғысына 22000 адам қатысқан. Бүгін Жамбыл ауылдық кітапханасында Мәдениет үйінің әдіскері М.Каллемов, жастар нұсқаушысы З.Мукина және ауылдық кітапханашы Л.Саджанованың ұйымдастыруымен "Ауғанстан-жүректегі жара" атты ауылымыздың Ауған соғысының ардагері Соколов Сергей Алексеевичпен дөңгелек үстел өтті. Осы іс-шара қоңақтары Аққулы ауданының ТЖБ қызметкерлері мен Аудандық ішкі саясат және тілдерді дамыту бөлімінің басшысы Жаннур Ахметжанова Ауған соғысының ардагеріне жылы тілектерін айтып, мықты денсаулық тіледі.
