Тлектес ауылында ауылдық клуб әдіскері мен ауылдық кітапхана кітапханашысының бастамасымен "Ардагерлерге мың тағзым" атты іс-шара ұйымдастырылды. Іс-шара барысында Тлектес мектебінің орта буын оқушылары ауыл тұрғыны, құрметті ақсақалы Аубакиров Ризолла атамызға қол ұшын беру мақсатында үйіне барып, қарын тазалады және шөп түсіруге көмектерін тигізді. Ризолла ата оқушылардың осындай игі ісіне ризашылығын білдіріп, өз батасын берді. Ал біз өз атымыздан осындай ұл балаларды тәрбиелеп өсірген ата-аналарға алғыс айтамыз.
