"Алаш жетекшісі"

Әлихан Бөкейхановтың туғанына 155 жыл толына орай назарларыңызға "Алаш жетекшісі" атты шолуда Сұлтан Хан Аққұлының "Қазақ жерінің жоқшысы" томдықтарын ұсынамын.

Ә. Бөкейхан - Қазақстан тарихында орны қайталанбас тұлға. Өз тұсында оқиғалардың қайнаған ортасында жүріп, қазақ ұлты, жері үшін өлшеушсіз қызмет етіп, диктатураға қарсы ұлт-азаттық қозғалысын жүйелеп, Қазақ хандығынан басталатын мемлекеттік арқауды жаңа заманға сай жалғаған, Алаш Автономиясының іргетасын көтерген болатын.

Ахмет Байтұрсынұлы Әлихан тұлғасынан қазақтардың азаттығы мен тәуелсіздігі үшін қайтпас қайсарлықпен күресетін көшбасшыны, халық көсемін көре білді. Онысы "Досыма хат" өлеңімен жеткізілді.

Үзінді:

Қырағы, қия жазбас сұңқарым-ай!

Қажымас қашық жолға тұлпарым-ай!

Үйілген өлексені өрге сүйреп,

Шығармақ қыр басына іңкәрім-ай!

Жарқырап жақсылықтың таңы атпай тұр,

Түнерген төбемізден бұлт арылмай.

Көк етті, көнтерілі, көніп қалған,

Сықса да шыдай беру, жұрт жарылмай...

ІІ том; 71-бет