Қазақ қашанда қара домбыраны қадір тұтып, төрге іліп, қастерлеген. Себебі, домбыра - көненің көзі, бабадан қалған асыл мұра, құнды қазына, рухани байлық, ұлттық рух. Міне, Елбасы осындай құнды дүниемізді жаңғыртып, өскелең ұрпақ санасына сіңіру мақсатында Ұлттық домбыра күнін белгіледі. Осы мерекеге орай Тлектес ауылдық кітапханасында "Домбыра-қазақ халқының асыл мұрасы" атты шағын мерекелік іс-шара өткізілді. Бұл іс-шарада ауыл тұрғыны Бегжан ағамыз кішкентай оқырмандарға өз өнерін көрсетті.
